बिज्ञापन

बिज्ञापन

सरकारले घटनाको सत्यतथ्य छानबिन गर्न समिति गठन गरिसकेको छ। छानबिनबाट सुरक्षा संयन्त्रको तयारी, भीड नियन्त्रण, बल प्रयोगको औचित्य तथा प्रशासनिक निर्णय प्रक्रियाबारे विस्तृत प्रतिवेदन आउने अपेक्षा गरिएको छ। हाल विवादमा तानिएका सीडीओ बासुदेव घिमिरे ६० साले लेखा अधिकृत हुन । लेखाबाट प्रशासनतिर फड्को हानेका उनी एमाले,काँग्रेस,माओवादी,रास्वपाको सरकारमा सदैव आकर्षक मानिएका जिल्लाको सिडियो चलाइरहने कर्मचारीभित्र पर्दछन् । घिमिरे कांग्रेसका प्रभावशाली नेता तथा पूर्वगृहमन्त्री बालकृष्ण खाँणलाई मनाएर रुपन्देही पुगेका थिए । यस्तै यस अघि कास्कीको प्रमुख जिल्ला अधिकारी चलाइसकेका उनी  अध्यागमन कार्यालयमा समेत नेतृत्व तहमा बसेर काम गरिसकेका कर्मचारी हुन ।

आइतबार राति सुनसरीको देवानगञ्ज गाउँपालिका–३ कप्तानगञ्जमा बोलबम यात्राका क्रममा डिजे बजाउने विषयमा उत्पन्न विवादले उग्र रूप लिएपछि स्थिति नियन्त्रणमा लिन सशस्त्र प्रहरीले गोली चलाएको थियो। गोली लागेर देवानगञ्ज गाउँपालिका–४ का २५ वर्षीय ओमप्रकाश मेहताको मृत्यु भएको थियो। घटनामा १३ जना सुरक्षाकर्मी र ९ जना सर्वसाधारण घाइते भएका छन्। घटनापछि स्थानीय क्षेत्रमा तनाव बढेपछि अतिरिक्त सुरक्षा परिचालन गरिएको छ।

गृह मन्त्रालयले सुरक्षा संवेदनशीलता मूल्याङ्कन गर्न नसकेको, समयमै प्रभावकारी समन्वय नगरेको तथा घटना नियन्त्रणमा प्रशासन असफल भएको प्रारम्भिक निष्कर्ष निकालेको स्रोतको दाबी छ। यही कारण सीडीओ घिमिरे र जिल्ला प्रहरी प्रमुखलाई फिर्ता बोलाउने निर्णयको तयारी गरिएको बताइएको छ। छानबिन समितिको प्रतिवेदनपछि थप प्रशासनिक तथा कानुनी कारबाही अघि बढ्ने गृह मन्त्रालय स्रोतले जनाएको छ।